KILA MTU NA NEEMA YAKE

Mungu ameachilia neema yake kwa kila mtu na neema hiyo umeipata bure si kwa kuifanyia kazi

Neema huwa juu ya mtu katika hali yoyote na ukitaka kujua hili ni kweli, kuna mambo ambayo wengine ni vigumu sana kuyafanya lakini kwako ni marahisi sana

Yesu akiwa mlimani akifundisha zile Heri... moja ya heri ni ile heri masikini wa roho maana wataurithi ufalme wa mbinguni

Masikini ni mtu ambaye ana uhitaji wa jambo fulani, masikini wa roho ni mtu mwenye kiu na njaa ya neno la Mungu

Watu wengine huwa hawaelewi maana ya masikini kama ilivyotumika katika mafundisho hayo hufikiria ni yule masikini wa mwili

Umasikini umegawanyika sehemu mbili yaani umasikini wa roho na umasikini wa mwili, ukiwa masikini ni kwamba unahitajika kuongeza bidii zaidi katika kitu unachohitaji

Watu wengi hufikiri bidii ipo kwenye kutafuta hela pekee la hasha, ipo kila mahali ni mpka kwenye kulitafuta neno la Mungu 

Elia alikuwa mtu wa kawaida sana kilichofanya maombi yake yajibiwe ni bidii yake katika kuomba na kutafuta uso wa Mungu

Ukitaka kuuona upako wa Mungu ni lazima uwe na bidii sana katika kusikia, kumuomba na kulifanyia kazi neno la Mungu

Wote tumepewa muda sawa angalia wanafunzi wanafundishwa na mwalimu mmoja na mtaala ni mmoja, lakini mwalimu huwapima kwa mtihani baada ya muda

Kinachoshangaza ni kwamba wanafunzi hao hutofautiana katika matokea kutakuwa na wanaofanya vizuri zaidi, wastani na wa chini kabisa

Bidii inaachia neema na upako wa Mungu kwetu, habari ya Yusufu gerezani ni bidii yake katika kufanya kazi ndiyo iliyompa kibali

Kinachofanya mfanyakazi huyu apandishwe cheo na yule abakie pale pale ni bidii yake

Tuukubali ukweli kwamba majaribu yapo ila ni lazima tuongeze bidii zaidi kwenye kila jambo tunalolifanya

Pangilia muda wako vizuri acha kupoteza muda wako kwenye mambo ambayo siyo ya msingi

Mwanamke Thamani!